Sa pagpanubay sa DXDC RMN Davao sa portion asa makita ang mga bandalismo, nakita nga dili maitsura ang hulagway sa ubang mga pader ug dalan tungod gipangsulat sulatan kini nga mihatag og kahugaw ug kadaot sa maong lugar.
Sugyot sa netizens nga butangan og closed-circuit television (CCTV) ang lugar aron mamonitor ang mga aktibidad sa tawo. Angay usab nga silotan pinaagi sa community services ang mga nagahimo sa ingon.
“Dapat butangan og CCTV ang palibot,” kumento sa usa ka Chris Obod. “Dapat community service for 1 day from 7:00 am to 12:00 noon dihang dapita unya from 1 pm to 5 pm sa park diha sa coastal road for the first offense,” sugyot usab ni Teryong Aparece Jr.
Kahinumduman nga bag-ohay palang giabrihan ang unang segment sa Coastal Road nga mihakot og mga pagdayeg tungod sa maanindot niini nga talan-awon apan sa kalit lang, mao na dayon kini ang gidangatan.
RadyoMaN Ivy Parido
