Davao City – Prayoridad karon sa Buhangin Pnp ang pagsuta sa posibleng nagpaluyo sa pag-ambush sa assemblyman sa ikaduhang distrito sa Maguindanao nga si Sidik Amiril kagahapong adlawa.
Napagan sa pagpamanhig ang mga security ug ang helper nga si Berry Adas kinsa nakabsan sa kinabuhi gumikan sa pagtusaktusak sa bala sa lawas sa biktima kinsa pareho misakay sa likod sa pick-up nga may plaka nga LHL 615.
Matud ni Police Chief Inspector Jack Tilcag, hepe sa Buhangin PNP nga gisundan sa SUV ang behikulo ni Amiril ug kalit nagpaulan og bala ang mga sakay niini apan si Adas maoy naantimanohan.
Sunod giparakrakan sa mga suspetsado ang atubangan kung naglingkod si Amiril apan maayo na lang kay bullet proof ang pick-up mao nga wala ma-unsa ang assemblyman ug laing tulo.
Gilangkuban sa duha ka motibo ang gikunsidera karon sa mga imbistigador sama sa away politika ug kalambigitan sa assemblyman sa droga human kini nalakip sa narcolist.
Ang Scene of the Crime Operative XI nakarekober og siyam ka empty shell sa cal.5.56 mm ug gipaila-wom na karon sa eksaminasyon sa crime laboratory 11 sa may Ecoland ning siyudad.
Apan hangtud karon, blangko pa ang kapulisan sa mga tawong o grupo nga posibleng may kalabutan sa pag-ambush sa assemblyman.
RadyoMaN Joel Viray
