Davao City – Alang sa safety nga pagbiyahe kinahanglang tumanon ang gi-ingong BLOW BAGETS (Battery, Leaking, Oil, Water, Break, Air, Gas, Engine, Tire and Self) sa tanang mga drivers aron dili mabilin sa dalan.
Sumala ni City Transport & Traffic Mamangement Office (CTTMO) operation chief Bonifacio Capricho Jr., mao kini sundon nga mga pamaagi alang sa luwas nga pagbiyahe.
Giingon ni Capricho, dunay ubang mga drivers ilabina sa sakyanang de pasaheroan nga kanunay magdali tungod sa boundary nga ilang giapas nga moresulta sa disgrasya kinsa makonsiderang iresponsable.
Samtang giklaro usab sa operation chief sa CTTMO nga ensakto sa seminar, pagpasabot kabahin sa mga regulasyon sa trapiko sa mga drivers, apan ang problema kay pag-abot na sa manibela dili na tumanon.
Gitataw usab ni Capricho, duna pa’y ubang mga tawo sa syudad nga dili pa makasunod sa mga ordinansa o traffic rules tungod kay bag-o lang dinhi sa dakbayan.
RadyoMaN Bernard Pantallon
