Sa interbyu sa DXDC RMN Davao kang Plt.Dante Espejon, Deputy Chief sa Bunawan Police Station, nga ila pang gihulatan ang resulta sa awtopsiya aron mahibal-an ang hinungdan sa kamatayon sa biktima sanglit walay nakitang samad dinunggaban.
Segun ni Espejon nga ilang ipa-review ang kuha sa CCTV camera sa maong lugar og ipasusi ang plaka sa sakyanan sa Land Transportation Office (LTO-XI) nga ni-agi sa nasampit nga lugar.
Gidugang ni Espejon ang biktima gibana-banaang nag edad 50-55 anyos nakasuot og striped t-shirt nga color black and white, naka short og kargo ug naka face mask og color green.
“If ever man nga naa moy mamatikdan o makit-an hangyo mi nga cooperate lang nga atong ipatigbabaw ang culture of security sa atoang lugar. Unta mahibal-an na kung kinsa mani para maka- conduct ta og imbestigasyon sa kamatayon sa biktima para makab-ot pod niya ang hustisya,” sulti Espejon.
Ang patay’ng lawas naa na sa Rivera Funeral Homes sa Bunawan og wala pay tagtungod nga nagclaim niini.
Kahinumduman nga usa ka concern citizen ang nagtaho sa kapulisan kalabot sa maong patay’ng lawas nga lalake napalgang patay nga migimaw ang tiil nga nakit-an sa usa ka biker.
RadyoMaN Don Pulayao
