Gipagawas na sa Waste Management Office sa Local Government Unit sa GenSan ang resulta sa gipahigayon nilang imbestigasyon kabahin sa pagpula sa baybay sa Purok Tinago Barangay Dadiangas South.
Nigawas nga non-toxic ang waste water nga gipagawas sa kanal sa maong barangay kung asa gikan matod pa kini sa gi-ogranisa nga colored fun run activity sa usa ka institusyon.
Matod sa WMO nga anaa sa 1.2 ektarya sa baybayon ang naapektuhan sa pagpula sa dagat tungod sa gipaagas nga waste water niadtong buntag sa nakalabayng Sabado.
Nasayran sad sa maong departamento sa LGU GenSan nga adunay igong permit ang organizer apan wala matod sila ma-inform sa panggamhanang lokal.
Nigawas sad karon sa imbestigasyon nga adunay kapakyasan sad ang gobyerno gumikan walay centralized water waste treatment facility ang dakbayan.
