Davao City – Gikalipay sa Department of Education kun DepEd XI ang resulta sa unang adlaw sa Brigada Eskwela 2018.
Sumala ni DepEd XI spokesperson Jenielito “Dodong” Atillo, daghang katawhan ang misuporta sa Brigada Eskwela sa tibuok rehiyon XI bisan pa man boluntaryo lang ang maong aktibidad.
Padayong panawagan ni Atillo ngadto sa mga ginikanan, mga estudyante ug mga ahensya nga magtinabangay sa pagsugod sa Brigada hangtod sa ulahing adlaw sa aktibidad karong Hunyo 2, adlawng Sabado.
Sa pikas bahin, gibutyag ni Atillo nga nanginahanglan gihapon og dugang armchairs, libro ug mga magtutudlo ang mga pampublikong tulunghaan sa rehiyon tungod sa nagkataas nga ihap sa populasyon sa mga estudyante sa school year 2018-2019.
RadyoMaN Renz Barbarona
Facebook Comments
