Jamindan, Capiz – Isa ka retirado nga manunudlo nga taga-banwa sang Jamindan ang nabiktima sang ‘Budol-Budol’ kun sa diin ini ang nakuhaan sang masobra P130, 000 nga cash, duha ka cellphone kag mga alahas.
Ang biktima ang babaye nga nagapang-edaron sang 71-anyos kag residente sang Barangay Jagnaya, Jamindan, Capiz.
Suno sa imbestigasyon sang Jamindan MPS, nagpadulong sa isa ka establisemento-komersyal sa Roxas Avenue sa syudad sang Roxas ang amo nga biktima.
Samtang ara sa sulod sang balaligyaan, ini ang ginpalapitan sang isa ka lalaki nga nagpakilala nga abyan sang iya bata.
Sang ulihi, ginhagad ini sang lalaki nga suspek sa puti nga van agod nga lantawon ang iya ikaayong lawas sa bulig sang kaupod sini nga nagpakilala nga si ‘Dr. Mendoza’ kag iban pa nga persona nga ara sa sulod sang salakyan.
Wala na sini matalupangdan ang mga masunod nga natabo kag nakalab-ot sila sa iya poluy-an sa banwa sang Jamindan kun sa diin amat-amat niya nga ginpanghatag ang cash, alahas kapareho sang kulintas, aritos kag singsing sa mga suspek lakip na ang duha pa gid ka mga cellphone.
Matapos nga makuha sa iya ang kinahanglan sang mga suspek, naglakat ang mga ini kag ginbilin sa iya ang bag nga may unod nga ‘bundle’ sang papel.
Nagreport pa ini sa ila barangay kapitan agod lagson ang mga suspek apang wala na maabtan pa.
Padayon pa ang dugang nga imbestigasyon sang kapulisan pinakabag-o nga insidente sang pagsalakay sang mga katapo sang ‘Budol-Budol Gang’ diri sa probinsya sang Capiz.
Reported by: RadyoMaN Jiego Cabanus | February 15, 2023
Ang biktima ang babaye nga nagapang-edaron sang 71-anyos kag residente sang Barangay Jagnaya, Jamindan, Capiz.
Suno sa imbestigasyon sang Jamindan MPS, nagpadulong sa isa ka establisemento-komersyal sa Roxas Avenue sa syudad sang Roxas ang amo nga biktima.
Samtang ara sa sulod sang balaligyaan, ini ang ginpalapitan sang isa ka lalaki nga nagpakilala nga abyan sang iya bata.
Sang ulihi, ginhagad ini sang lalaki nga suspek sa puti nga van agod nga lantawon ang iya ikaayong lawas sa bulig sang kaupod sini nga nagpakilala nga si ‘Dr. Mendoza’ kag iban pa nga persona nga ara sa sulod sang salakyan.
Wala na sini matalupangdan ang mga masunod nga natabo kag nakalab-ot sila sa iya poluy-an sa banwa sang Jamindan kun sa diin amat-amat niya nga ginpanghatag ang cash, alahas kapareho sang kulintas, aritos kag singsing sa mga suspek lakip na ang duha pa gid ka mga cellphone.
Matapos nga makuha sa iya ang kinahanglan sang mga suspek, naglakat ang mga ini kag ginbilin sa iya ang bag nga may unod nga ‘bundle’ sang papel.
Nagreport pa ini sa ila barangay kapitan agod lagson ang mga suspek apang wala na maabtan pa.
Padayon pa ang dugang nga imbestigasyon sang kapulisan pinakabag-o nga insidente sang pagsalakay sang mga katapo sang ‘Budol-Budol Gang’ diri sa probinsya sang Capiz.
Reported by: RadyoMaN Jiego Cabanus | February 15, 2023
Facebook Comments
