Retiradong Fireman gipusil, patay!

43

Manukan, ZDN-Wala nay, kinabuhi ang usa ka kanhi fireman sa dihang nahidangat sa balay tambalanan, human kini pusila kagahapong adlawa mga 9:26AM didto mismo sa iyang pinuy-anan.

Nahitabo kini sa Brgy. Pob. Manukan, ZDN, kinsa gipusil patay si Lito Dingal Moncal, 57.


Dali pa kining gi respondehan sa kapulisan apan wala na masakpi ang mga responsable.

Matod pa sa nakasaksi duha ka mga wala mailang armado ang mipusil ngadto sa biktima gamit ang wala matino nga armas didto mismo sa tugkaran sa balay sa biktima.

Maayong pagkaigo sa dughan niini nga maoy mitsa sa iyang kamatayon .

Padayon pa karon ang gihimong makuti nga imbistigasyon sa kapulisan sa Manukan kun unsay hinungdan sa maong pagpamusil ug aron sa posibleng pagkasikop aron panubagon sa salaod nga ilang nahimo.

Facebook Comments

From Advertisers