Dimataling, Zamboanga del Sur – Personal nga bangi ang usa sa angulo nga gisundan karon sa kapulisan sa lungsod sa Dimataling kini may labot sa ulahing pagpamusil sa retiradong pulis nga nahitabo alas 10:15 kagahapon sa buntag sa Provincial Highway nga sakop Purok 6, Barangay Kagawasan, Dimataling, Zamboanga del Sur.
Giila ang biktima nga si Vecinte Bolusan Teofilo, 56-anyis, Retired Member sa Philippine National Police (PNP) ug residente sa Purok Caimito, Barangay Poblacion, Pitogo, niining probinsya.
Sa inisyal nga imbestigasyon nasayran nga samtang gimaneho sa biktima ang pagpasaheroang van, color puti nga TOYOTA HIACE nga nagtangag sa plaka numero P5 Q159 gikan sa lungsod sa Pitogo paingon sa dakbayan sa Pagadian kalit nga nibutho ug nipara ang duha ka mga suspetsado nga nagpatuong mga pasahero ug dihang nakabinta kalit nga Gipusil ang biktima.
Tulo ka samad pinusilan ang nikutlo sa kinabuhi sa naasoy nga retiradong pulis. Ang mga suspek daling nisibat human sa pagpamusil paingon sa lungsod sa Dinas.
Nahipos sa dapit nahitabuan ang tulo ka basiyo sa bala sa calibre 45 nga pistola.
Daling naglusad sa hot pursuit operation ang kapulisanug nakigkutay ngadto sa silingan nga police station alang sa dinali-ang pagdakop sa mga mamumuno.
