Un retirao pulis muerto mientras su contra irido despues ya rebenta el calibre 45 pistola durante ya man luchahan sila na Logoy Grande, Talon-Talon del Domingo denoche.
El muerto amo si Aidarus Laika Bustama, 64, casao, retiaro pulis, de Sta Barbara, mientras el suspechao amo si Hutton Sangkula Teo Jr, 36, Talon-Talon.
Asegun na report del pulis alas 6:35 del noche cuando ya anda visita si Teo consu maga anac mujer na mencionao lugar pero cuando ya llega este enfrentero na casa di Bustama ya saaale este afuera y ya tene estos purpiajan.
Amediante del purpiajan ya oyi ya lang manada sunor de tirodonde ya tumba ya lang si Bustama mientras irido tambien si Teo.
Ya rendi si Teo napulis y su calibre 45 pistola.
Maga pulis ta mira agravio personal elmotibo del incidente.
