Gibarugan ni Retired Col. Leony Roy Ga nga wala gayu’y business permit ang lugar kun asa namaligya silang pipila ka mga vendors nga gipasirado sa kagamhanang lokal kagahapong adlawa.
Gani, pila ka serye na sa panagtigum ang gipatawag kanila aron pagpasabot nga gidili gayud sa maong lugar ang pagpamaligya sama sa mga baligya didto sa IBJT North Bound Temporary Market.
Matud ni Ga nga aduna nay mga notice ang ilang gipadala ngadto ni Mr. San Ramos aron paghatag kanila ug warning nga ipasirado gayud ang lugar nga ilang nahimutangan.
Nasayran ni Ga nga silang mga nagpwesto sa maong lugar aduna puy pwesto didto sa tambo kun asa sa iyang lantaw boot lang nila nga mamintaha ngadto sa mga vendors nga anaa sa IBJT.
Facebook Comments
