Gikunpirma ni Retired Col. Leony Roy Ga nga hangtud karon dili pa gihapon niya madawat ang iyang kapildihan.
Kini tungod tataw matud pa kaayo ang pagpamalit ug boto sa iyang kaatbang sa nakalabay’ng eleksyon.
Gibutyag ni Ga nga lisod dawaton ang iyang pagkapildi tungod sa nakalabay nila nga kampanya bagang do-ot man sa katawhan ang motagbo ug mo-abi-abi ngadto kaniya.
Hinungdan nga alang kaniya nakurat siya sa resulta sa eleksyon tungod daku nga iyang pagtoo nga hayag na unta ang iyang kadaugan.
Matud ni Ga, aduna siya’y giduso nga disqualification case batok sa iyang kaatbang aron dili na masubli pa ang binuhatan niini panahon sa eleksyon.
Si Ga nagpapili isip kongresista ubos sa bando nga GAREVE batok sa iyang kaatbang nga si Frederick Siao sa Bando nga solid blue o hugpong ng pagbabago.
