Davao City – Personal nga bikil maoy giimbestigahan sa kapulisan sa lungsod sa Sta. Maria Davao Del Sur sa pagpamusil patay sa retired police ug presidente sa senior citizen association.
Ang homicide section sa Sta Maria PNP mitutok sa personal grudge nga nagpaluyo sa pagpamanhig kang Epifanio Comabig, 64 anyos nagpuyo sa Brgy. Tanglad Sta Maria Davao Del Sur.
Kahinumduman niadtong Lunes alas 11:20 sa kabuntagon samtang pauli na ang biktima sakay sa habal habal kalit lamang gipusil sa duha ka armado nga nag atang sa dalan.
Patay gilayon ang biktima samtang nakasibat ang mga suspek sakay sa ilang motorsiklo ngadto sa wala na matino nga direksyon.
Ang biktima gikan pa kining nakig meeting sa iyang mga kaubang senior citizen sa wala pa mahitabo ang krimen.
RadyoMaN Erin Lumosbog
