FILING OF CERTIFICATE OF CANDIDACY (COC) – Sa ciudad sang Bacolod, isa ka retired police officer amo naman ang pinaka una nga nagfile sang iya Certificate of Candidacy sa City Comelec Office may mga las 8 kaina sang aga.
Si Wilfredo Figuerroa David, 56 anyos ang edad, isa ka retired major amo ang pinaka-una nga nagfile sang COC sa Bacolod City Comelec Office kon diin ini siya ang magapa-pili bilang konsehal.
Suno kay David nga bisan magapadalagan siya bilang isa ka independent candidate apang ang iya sini nga leaning ang yara kay Mayor Evelio Bing Leonardia.
Madumduman nga sang nagligad nga 2016 elections, nagpadalagan man si David sa pagka-mayor sang Bacolod City kontra sa ila nanday Monico Puentevella kag Mayor Bing Leonardia./dyHB BACOLOD
