Davao City – Gipalapdan pa ang imbestigasyon sa Sasa Police Station kabahin sa motibo sa pagpusil-patay sa usa ka retiradong seaman nga si Nestor Teoroseo, 62 anyos, negosyante ug residente sa Crystal Meadow Km. 11, Sasa, syudad sa Davao.
Sa pakighinabi sa DXDC RMN DAVAO kang P/Lt.Genevieve Delima, Deputy Chief Officer Sasa PNP, padayon pa ang gihimong inbestigasyon aron maila ang suspetsado nga mipusil sa biktima.
“On going pa ang investigation Sir. Wala pa nahuman, gipahigayon pa ang inbestigasyon sa inbestigador nato,” segun ni Delima.
Subay sa pasiunang imbestigasyon, alas 8:15 sa buntag (June 8,2020) samtang pagawagas ang biktima sa ilang balay tungod kay dunay paliton, kalit kini gidu-ol sa wa mailhing lalaki nga nagsul-ob og itom nga jacket ug pantalon dayon pusil gamit ang wa matino nga armas igo sa likod nga bahin sa ulo.
Sa dihang natumba ang biktima, gikuha sa suspek ang bag ug dayon sakay sa motorsiklo padulong sa south bound nga direksyon.
Na-recover sa SOCO team sa crime scene ang usa ka basiyo gikan sa wala pa masayring armas.
Migawas sa initial investigation nga robbery ang motibo sa kremin.
RadyoMaN Don Pulayao
