Patay ang retirado nga manunudlo sa banwa sang Pototan matapos mabungguan sang Isuzu D-max sa Barangay San Julian, Badiangan, Iloilo alas 12:50 kaina sang udto (Hunyo 28).
Ginkilala ang biktima nga si Elsie Bertiz, 74 anyos, retired teacher, pumuluyo sang Barangay Palanguia, Pototan, Iloilo.
Samtang ang driver sang D-max nga nakabunggo sa biktima ginkilala nga si Michael John Asistido, 29 anyos, sang Barangay Poblacion, Barotac Viejo, driver sang DPWH.
Ginpahayag ni Police Captain John Paul Guay, hepe sang Badiangan PNP nga nagatindug sa guwa sang ila Toyota Corolla nga salakyan si Bertiz sang mabungguan sang Isuzu D-max nga ginamaneho ni Asistido nga gintunaan sang kamatayon sini kag naguba man ang ila salakyan.
Yara na karon sa custody sang Badiangan PNP ang suspek kag magapangatubang sang kaso nga reckless imprudence resulting to homicide and damage to property.
