Sa interbyu sa DXDC RMN Davao kang Ben Tesiorna, City Information Officer (CIO) sa Local Government Unit (LGU) Mati, gibutyag niini nga nakuha na ang patay’ng lawas sa duha ka hamtong nga sila Cristituto Casaligan, 62 anyos, chairman sa Purok Sangay ug Roberto Ampo, 52 anyos.
Samtang, nagpabiling missing ang duha ka menor de edad nga 14 ug 15 anyos, pulos lalaki nga gituohang natabunan usab sa midahili nga yuta.
Sa pagkakaron, gidid-an usab ang mga residente nga muadto sa area tungod sa risgo nga hatud sa dili maayo nga dagan sa panahon.
“Ang (recommendation) sa atoang Incident Command Post is indefinite suspension usa (sa operasyon) kay sige pa gihapon og ulan-ulan didto because ang ground movements naa gihapon.”
Samtang, suspendido ang operasyon, gitutokan karon sa lokal nga panggamhanan ang paghatag og ayuda sa apektadong mga residente diin natunolan na og pasiunang tabang ang nahisgutan.
RadyoMaN Kirby Manzon
