Davao City – Magresulta sa diktadurya nga kagamhanan ang revolutionary government nga ideklara ni Pres. Rodrigo Duterte panahon muhimo og destabilisasyon ang mga kritiko batok sa gobyeno.
Ilawom sa revolutionary government, ang tanang ahensiya lakip na ang Korte Suprema ug balay-balauranan masirad-an ug ang tanang gahom higupon sa kasamtangang pamuno-nasud.
Dako ang posibilidad nga masusama kang late President Ferdinand Marcos si Pangulong Duterte ugaling ipamugos niini ang pagtukod sa revolutionary government.
Segun ni Ateneo de Davao University Professor Airnel Abarra nga igo na ang mga balaod sa Pilipinas aron matuldokan kun unsa man ang mitumaw nga mga suliran sa nasud karon.
Ang pasi-atab ni Digong nga mapugos kini og tukod og revolutionary government naghukas sa kamatooran nga hakog ang pangulo sa paghangop sa gahom aron magnunot kini sa katungdanan ug dalan kini sa pagbutho sa laing diktadorya sa Pilipinas.
Busa dakong supak si Prof. Abarra sa revolutionary government sa punto nga walay maduolan ang mga tawo nga mga ahensiya nga ilang gikinahanglan kay ang tanang gahom ug kamanduan hawiran naman ni Pangulong Duterte.
Gikalisang sa professor ang posible dangatan sa mga tawo ubos sa revolutionary government hilabi na sa kadtong mga maalaan o madudahan nga supak sa gobyerno.
Gibatbat pa niini nga dili garantiya ang pagkamaluluoy sa presidente aron mapatunhay og maayo ang manghinobra unya nga gahom sa mga anaa sa katungdanan konsiderahon nga kapin 100 milyon ang populasyon sa nasud karon.
RadyoMaN Joel Viray
