Davao City – Dili na bag-o sa Pilipinas kung magdeklara og revolutionary government si Pres. Rodrigo Duterte tungod kay nahimo na kini kaniadto ni kanhi Pres. Corazon Aquino human na palagpot ang kanhi pangulong Ferdinad Marcos.
Sumala ni criminal lawyer Atty. Leonard Cagatin, walay nasinating problema kaniadto human gideklara ang rebolusyonaryong panggobyerno ni Aquino. Giingon ni Atty. Cagatin, walay mausab kung ipatuman ang revolutionary government tungod kay naa gihapon ang mga ahensya sa gobyerno sama sa Philippine National Police (PNP), korte ug uban pa. Alang sa criminal lawyer wala siyay nakitang problema kabahin niini.
Dako ang pasalig ni atty. cagatin nga kung magdeklara ug revolutionary government si Pres. Duterte, walay angayang kabalak-an tungod kay walay matigayong dictatorship ug dili mausab ang nasinatiang pag-abuso sa katungod panahon ni kanhi marcos tungod kay sa administrasyon ni kanhi pangulong Cory Aquino wala man ni mahitabo sa dihang nagdeklara siya og revolutionary government.
RayoMaN Bernard Pantallon
