Davao City – Gidagsa sa mga dumadapig ni Presidente Rodrigo Duterte ang Revolutionary government rally nga gipahigayon sa Crocodile Park ning siyudad karong adlawa.
Sukad pa kagabii wala nay hunong ang pag-abot sa mga tawo gikan pa sa naglahi-lahi nga lugar sa Mindanao aron musalmot sa Revolutionary government Grand Rally karong adlawa.
Sumala ni Jun Aparece nga sugdan ang pormal nga programa sa kalihukan alas 2:00 karong hapon ug posible mahuman unyang gabii.
Gibutyag ni Bishop Nilo Tayag, usa sa mga organizer, nga usa ka milyon ka tawo ang ilang gilauman muapil sa Revolutionary government Grand Rally.
Segun ni Bishop Tayag nga gawas sa Davao City nagpahigayon sab ang Visayas ug Luzon area sa sama nga kalihukan aron dungan hangyoon si Pangulong Duterte nga tukuron na ang Revolutionary government.
Nasayran nga anaa karon dinhi sa dakbayan sa Dabaw ang presidente apan dili kini mupatim-aw sa rally aron dili masambugan og politika ang kalihukan sa mga nagduso og revolutionary government
RadyoMaN Joel Viray
