Davao City – Mag-agad lamang kang Pres. Rodrigo Duterte kung iya bang dawaton ang dakung hagit sa katawhan nga i-imposar ang usaka ‘revolutionary government’ denhe sa Pilipinas.
Matud ni Atty. Joel Obar, spokesperson sa Network Revolution nga ang proklamasyon sa rev gov dili manukad diha sa pamuno-nasud mismo apan diha gayud magsugod sa kabubut-on sa mayoriya sa katawhan kinsa moduso niini.
Gani, karong Nobyembre 30 ning tuiga, ilusad dinhi sa syudad sa Davao ang ‘Revolutionary Government Grand Rally’ aron kumbinsihon ang pangulo nga i-establisar ang usaka rebolusyunaryong porma sa panggobyerno dinhi sa nasud isip transition sa presenteng matang sa liderato paingon na ngadto sa ultimate goal sa tanan nga pagpabarug sa usaka estadong ubos sa sistemang pederalismo.
Pikas bahin, gisugilon ni Moro National Liberation Front (MNLF) acting vice-chair Rolando Abdul-Aziz Olamit nga pinaagi sa gobyernong rebolusyonaryo, mas mapadali ang pagkambyo sa atong naandang sistema sa pagdumala ingon man ang hinanaling pagsulbad sa mga nag-unang suliran sa nasud sama sa kurapsyon, droga ug kawad-on.
RadyoMaN June Duterte
