Reward bugti sa makahatag og impormasyon sa nipatay kang Christine Lee Silawan nisaka ngadto sa P 2-milyon

74

Moabot na og duha ka milyon (P 2-milyon) pesos ang patong sa ulo sa mga kreminal nga nipatay sa 16 anyos nga dalaga nga si Christine Lee Silawan.
Kini human nipahibaw si Presidential Assistant for the Visayas Michael Dino nga mohatag siya og usa ka gatus mil pesos kon One hundred Thousand Pesos alang sa makahatag og impormasyon sa mga suspetsado.
Matud ni Dino atol sa iyang pagbisita sa haya ni Silawan kaganihang buntag , nga usa niya ka suod nga higala nga chairman sa Philippine Postal Corporation nga si Normal Fulgencio ang nipahibaw nga modugang og One Hundred Thousand Pesos nga reward money.
Tungod niini moabot na og duha ka milyon ka pesos ang ganti alang sa makahatag og impromasyon sa mga nipatay kang Silawan.
Kahinumduman nga si Lapulapu City Mayor Paz Radaza nitanyag og P 1-Million nga reward money , laing P 500,000 nga reward gikan sa usa ka langyaw nga nagbasi sa Leyte, P 100,000 nga ganti gikan sa Police Regional Office-7 Advisory Council ug laing P 200,00 gikan sa buhatan ni Bise Gobernador Agnes Magpale.

Kini sa tingoha nga madali ang paggawas sa impormasyon nga moresulta sa pagkasikop sa mga responsible sa brutal ug linoog nga pagpatay sa 16 anyos nga dalaga nga taga Soong 1, Mactan Lapulapu City.
www.avg.com/email-signature?utm_medium=email&utm_source=link&utm_campaign=sig-email&utm_content=webmail>

Facebook Comments