Gikonsidera sa Philippine National Police (PNP) nga dugangan pa ang reward money aron lang madakpan ang puganteng si Kingdom of Jesus Christ (KOJC) leader Ptr. Apollo Quiboloy.
Sa usa ka media conference, gibutyag ni PNP PIO Chief PCol. Jean Fajardo nga studyuhan usa nila ang pagpagawas og kaugalingong reward money tunog angay pa kini iagi sa saktong proseso sama sa auditing, budgetary rules ug guidelines.
Kini human nakita sa PNP nga adunay positibong epekto ang P10 million nga patong sa ulo ni Quiboloy tungod aduna silay mga nadawat nga tawag kalabot sa gikahimutangan sa pastor.
Sa karon, ginaberipika usab sa Police Regional Office (PRO) XI ang mga impormasyon nga nadawat sa ilang buhatan.
RadyoMaN Ivy Parido
Facebook Comments
