Davao City – Gihatag na sa Talomo PNP ang P5 mil nga reward money sa Purok leader nga si alias Erwin nga maoy nakakita kang Arani Hajiba, ang pasyenteng positibo sa COVID-19 human miikyas niadtong Sabado (Mayo 9) sa iyang quarantine facility kagahapong adlawa (May 15).
Ang reward money gikan kang Brgy.23-C Kapitan Alimodin “Wating” Usman ang gidawat ni Police Maj. Ronald Lao Station Commander Talomo Police Station sa dihang nagkita sila sa Davao City Police Office (DCPO) syudad sa Davao.
Una niini, nagtanyag ug lima ka libo ka pesos si Kapitan Usman isip ganti kung kinsa ang makakita sa nahimutangan sa maong babayi.
Kagahapong Adlawa (Mayo 15) nakita ug narescue si Hajiba sa Balusong Matina, syudad sa Davao.
Matud pa ang maong Purok leader maoy nakakita kang Hajiba hinungdang gi-rescue sa pagpanguna sa kapolisan sa Talomo ug gihatud sa iyang Isolation Facility sa Queensland, Matina Aplaya, syudad sa Davao.
“Actually nahatag na nako ngadto sa DCPO kaganina, bahala na ang awtoridad nga muhatag didto sa kadtong nakatudlo, kun kinsay bay nakatudlo sa ilaha. So ako natong naturn-over ngadto sa ilaha ” segun ni Usman.
RadyoMaN Don Pulayao
