Davao City – Gikumpirmar ni Samy Luzon ang KBP Chapter President sa Davao del Norte ug ComVal province nga adunay gisaad si Mayor Inday Sara Duterte nga 500k isip dugang sa reward sa makatudlo sa nagpusil patay kang publisher Denis Denora.
Sumala ni Luzon nga gipaagi ang saad ni Mayor Sara ngadto sa provincial government aron mapaspasan ug maaghat nga muhatag og inpormasyon ngadto sa SITG Denora ang mga testigo sa krimen.
Matud ni Luzon nga sa kasamtangan 1 million ang ganti nga gitagana sa makatudlo apan ug madayon ang 500k dako na kaayo kining tabang aron makombinsi ang mga testigo nga makatabang sa pag resolbar sa maong kaso.
Gidugang ni Luzon nga dako ang pagsalig sa KBP Davao del Norte sa SITG Denora ilabina nga sa initial investigation ang armas nga gigamit sa mamumuno mao ra usab ang gigamit sa lima ka naunang pagpusil patay sa Norte ug ComVal.
Kahinumduman nga gipusil patay si Denora samtang sakay sa iyang kotse sa Panabo City Davao del Norte.
RadyoMaN Erin Lumosbog
