Davao City – Aron mailhan ug mapanubag gayud ang responsable sa pagpusil-patay sa agila nga si Mangayon, miabot na sa P100,000 ang natigom nga reward money.
Nasayrang midugang og P50,000 si Department of Environment and Natural Resources (DENR) Secretary Maria Antonia Yulo Loyzaga, diin una na sab nga mihatag si Davao de Oro Governor Dorothy “Dotdot” Gonzaga og P50,000.
Sa post sa Philippine Eagle Foundation, padayong gipanawagan sa grupo ang kooperasyon sa katawhan aron mailhan ug madakpan ang mga indibidwal nga nagahimo sa maong krimen.
Kahinumduman nga niadtong July 8, 2024 sa dihang na-report ang pagkaangol sa agila nga nakit-an sa Barangay Mangayon, Compostela, Davao de Oro nga nagbaton og samad pinusilan. Gipaningkamutan pa aron mahatagan og medikasyon ang agila apan nakabsan kini sa iyang kinabuhi. Ang maong hinimuan, una nang gikondena sa organisasyon.
RadyoMaN Kirby Manzon
Facebook Comments
