Subling gi-organisa sa Regional Internal Affairs Service o RIAS 10 ang ilang Advisory Council nga gilangkuban sa lain-laing sektor.
Napiling bag-ong Chairman sa RIAS Advisory Council o RAC ang gikan sa academe sector nga si Mr. Gerry Caño, Dean sa College of Criminology sa COC-PHINMA ug National President sa Professional Criminology Association.
Miyembro sa RAC mao silang Pastor Geson Magrina sa religious sector, Mrs. Geraldine Rubino sa business sector, dxCC-RMN Cagayan de Oro RadyoMaN Annaliza Amontos Reyes sa media sector, Prosecutor Julieta Piloton sa government sector ug sa community mao si Retired Police Chief Insp. Evangeline Pupos.
Mitambong usab sa kalihukan silang Police Supt. Gerry Ratunil, City Supt. sa Cagayan de Oro City Internal Affairs Service, Police Supt. Henry Cay-as, Provincial Supt. sa Misamis Oriental Provincial Internal Affairs Service ug RIAS 10 Non Uniform Personnel Milagros Obsioma.
Alayon niini, mapasalamaton si RIAS 10 Director Police Sr. Supt. Calixto Mabugat sa tabang nga gihatag sa tanang miyembro sa RAC aron makab-ot ang vision and mission sa RIAS 10.
