Davao City – Tabangan sa Regional Internal Affairs Service (RIAS-XI) ang Police Auxiliary kung mopasaka og reklamo batok sa hepe sa DCPO- Special Operations Group Police Captain Nolan Tagsip kinsa alegasyong nikulata kaniya.
Matud ni RIAS XI spokesperson Police Captain Cecilia Falguera, ang matag pundok moagi og due process.
“Tambag sa victim nga muduol sa RIAS sa City Internal Affairs Service sa Magsaysay sa Office kilid sa COMELEC ug ipasaka ang complaint. I-asssist mo didto sa kapulisan paunsa pag andam sa affidavit para kumpleto ang mga elemento aron mapadayon ang kaso against sa maong pulis nga naghimo sa abuso sa imong partner,” segun ni Falguera.
Matud ni Falguera, ang direktiba sa RIAS mao ang pagresolba sa mga kasong administratibo sulod sa 90 diyas sa mga gireklamong Police.
Padad-an usab og notice ang respondent aron mosumite og eksplenasyon sulod sa lima ka adlaw, apan gitin-aw ni Falguera magpadayon ang pagdungog sa admin case, motubag man o dili ang Police.
Matud niini insakto ang gihimong pag-relieve sa DCPO kang Tagsip ug pwede usab kining i-hold sa PRO XI Under Preventive Suspension ug dis-armahan aron dili matud pa maimpluwensyahan ang complainant.
Nagpasidaan ang RIAS XI sa kapolisan nga motuman sa guidelines ug balaod sa Philippine National Police (PNP).
RadyoMaN Aimee Guinita
