Rice retailer dili supak ibalik ang price ceiling, apan ubos sa usa ka kondisyon

Dili mosupak ang usa ka rice retailer kun ibalik sa kagamhanan ang price ceiling sa presyo sa bugas humay ubos sa kondisyon nga hatagan usa sila ug panahon nga mabaligya ang old stock nga kinumprang bugas gikan sa mga rice traders.

Giangkon ni Jay Luntad, rice retailer sa Bangkerohan nga dako kaayo ang iyang pagka alkanse niadtong gipatuman ang price ceiling ug hangtud karon wala pa nila mabawi ang pagkalugi sa ilang nabuhian nga kapital.

Sumala ni Luntad nga nasabtan niya ang tumong sa gobyerno nga ipabarato ang presyo sa bugas aron dili kaayo mabug-atan ang mga konsumante apan balansehon usab unta sa kagamhanan nga aduna usab silay mga trabahante nga giswelduhan.

Gipaklaro sa negosyante nga ang ayuda sa gobyerno nga 15mil ka pesos wala kabawi sa ilang dakong pagka-alkanse niadtong pagpatuman sa price ceiling sa bugas humay.

Busa ang ilang hangyo sa gobyerno nga una ibalik ang price ceiling tungod sa pagmahal sa persyo sa palay dili una ipatuman dayon ug hatagan sila ug higayon nga ma dispose ang mga naunang kinomprang bugas sa ilang rice outlets.

RadyoMaN Erin Lumosbog