Sumala ni rice retailer Rotse Palicte, nakalitan siya sa price ceiling nga P41 ngadto sa P45 kilo sa bugas, subay sa mando ni Presidente Bongbong Marcos Jr., sa miaging mga adlaw. Matud ni Palicte, maglisud sila og sunod sa maong presyo kay malugi na sila, tungod sa taas nga presyo sa kumprada sa mga rice traders.
Nabalaka si Palicte niini, gawas sa multa nga P500K ngadto sa P1M, basin og muresulta na unya sa pagsirado sa ilang tindahan tungod sa price ceiling. Gipasabot niya, pinaagi niini dili nila mabawi ang ilang kapital kung ang patong sa matag kilo sa baligyang bugas, anaa lang sa P3.00 hangtud P4.00.
Panawagan ni Palicte sa gobyerno, ang price ceiling didto ipatuman sa mga traders inay sa gagmay’ng negosyante og bugas.
Sa kasamtangan, ang premium rice mapalit anaa P60 ang kilo, P38 hangtod P45 sa regular rice milled o local rice nga mapalit sa bugasan sa Agdao Public Market sa pagkakaron.
RadyoMaN Joel Viray
