Sa pakighinabi sa DXDC RMN Davao kang John Rey Alimasag, rice retailer sa Panabo City, Davao del Norte, iyang gibutyag nga bisan pa og aduna’y price-ceiling nga gimando ang administrasyon niadtong nakalabay nga bulan, wala siya’y nakitang problema tungod bisan og barato ang bugas, daghan gihapon ang namalit ug aduna gihapon siya’y igong kita.
“Okay raman ma’am kay sukad atong nagmando nga ibaba ang presyo [sa bugas], tingala mi nga abi namo’g samot mi og kalugi pero nidaghan man hinuon samot sa among customers,” segun ni Alimasag.
Hinuon, siya nagmalipayon tungod sa pagbawi ni Presidente Ferdinand Marcos Jr., sa rice price cap aron mabalik na sab sa normal nga operasyon ang negosyo ilabi na niadtong aduna’y gagmay lang nga mga bugasan.
Panghinaut usab karon sa publiko nga i-monitor ang uban rice retailers kay aduna’y uban mugara sa pagpatong og dako nga tubo sa presyo sa bugas karon nga wala na ang price-ceiling.
RadyoMaN Ivy Parido
