Sumala ni Presidente Ferdinand Marcos Jr., tumong niini aron matabangan ang mga mag-uuma nga mapatas-an ang ilang income ug aron mamahimong ‘affordable’ ang bugas alang sa mga konsumante.
Sa interview sa DXDC RMN Davao kang John Rey Alimasag, Panabo City rice retailer gibutyag niya, wala na siya kasabot sa pamaagi sa gobyerno kung unsaon pagsulbad sa kasamtangang sitwasyon sa bugas sa nasud, tungod wala pa matud sila naka-adjust sa P41-P45 price ceiling nga gitakda ug karon mosaka na usab ang palit sa humay, maong naglibog na siya kung unsaon pagpadagan pa sa iyang negosyo.
“Dili nalang mi mag negosyo ma’am kung ing-ana man diay. Mahulog nga malugi gyud mi kung ing-ana kay kung mumahal man gud ang palay. Di man gud pwede nga mumahal ang palay, mubarato ang bugas. First of all, ang palay mahal so galingon pa nimo, i-process pa nimo, naa pani siya additional nga mga costing tapos naa paka’y imohang margin. Kung taas ang palay, dapat taas pud ang bugas para fair lang pud,” segun ni Alimasag.
Malaumon ni Alimasag nga dili madugay, makita na unta sa gobyerno ang maayo ug epektibong solusyon sa problema sa bugas nga patas sa tanang mag-uuma, konsumante ug negosyante.
RadyoMaN Ivy Parido
