Rice smuggling nagpabiling suliran sa mga negosyante og bugas

Davao City- Upat na ka-tuig nag-negosyo og bugas isip rice retailer sa Bankerohan ang negosyante nga si Surpress Amante ug problema gayod alang kaniya ang rice smuggling nga gasulod sa nasod.

Segun ni Surpress nga dunay epekto sa ilang mga negosyante rice smuggling kay magdeperensiya og P2 ang presyo sa ilang gitindang local rice itandi sa rice smuggling nga hangtod karon nagpabiling suliran sa mga local rice retailers.

Giingong bunga kini sa kapakyasan sa pakigbatok sa gobyerno aron tuldokan ang agricultural smuggling ug paglutos sa mga tawo nga anaa sa likod sa sinindikato nga buhat.

Sa Ikaduhang State of the Nation Address (SONA) ni Pangulong Bongbong Marcos Jr kagahapon adlawa, usa sa gibaharan niini mao ang mga smugglers sa nasod.

Apan alang kang Surpress, mudaog lang sa giyera kontra smuggling ang gobyerno kon limpyohan una sa tanan ang Bureau of Custom ug ikaduha mao pag-ampo sa mga opisyal sa kagamhanan ngadto sa Ginoo.

RadyoMan Joel Viray