ILOILO – Patay ang subject sang buy bust operation sa Ungka II, Pavia kahapon sang hapon, Agosto 29, 2018 matapos nagbato sa mga otoridad.
Ginkilala ang napatay kay Richard Montefrio Gregori, 40 anyos kag ginapahayag downline sang napatay nga drug lord nga si Richard Prevendido.
Suno kay *Chief Inspector Fernand Limbungan sang Pavia PNP, * namutikan ni Gregori nga nagapadulong ang mga otoridad gani nagbalik ini sa iya balay kag nagpalupok gamit ang 45 caliber pistol.
Bangud sini, napilitan ang mga pulis nga luthangon si Gregori.
Gindala pa si Gregori sa Western Visayas Medical Center apang suno kay Tanod Commander Bongbong Amaquin sang Ungka II , Pavia, gindeklarar ini nga dead-on-arrival bangud sang naangkon nga igo sang bala sa tiyan kag abaga.
Ginakabig nga high value target sang IPPO si Gregori kag ginapahayag himata ni anay punong barangay Remia Prevendido Gregori sang Bakha , Mandurriao.
Photo via Pavia MPS
