Rider han Tacloban Sangyaw Endurance Tour naaksidente, patay

LAWAAN, Eastern Samar – Usa an patay matapos nga magkamayada aksidente ha kakalsadahan ha National Highway han Brgy. Maslog, Lawaan, Eastern Samar dida han sabado.

Ginkilala an mga biktima nga hi Jorey Kim Barredo, 25 anyos, usa nga rider han Tacloban Sangyaw Endurance Tour ngan residente ha Malaybalay, Bikidnon; ngan hi Gil Bardaje nga may duha nga backrider nga hira Janito Bardaje ngan Lourdes Bardaje nga pareho nga residente ha Villareal, Samar.

Ha nagawas ha inisyal nga imbistigasyon han mga otoridad, pareho nga sakay han single nga motor an mga biktima ngan magkaiba an rota han ira dalagan pero han pag-abot ha kalsada nga magkakatapo na hira an single nga motor nga ginmamaneho ni Jorey in nag-encroach ha kaluyo nga lane kun diin nadalagan an single nga motor nga ginmamaneho ni Gil ngan didto na nagbungguay an duduha nga behikulo.


Tanan hira in samaran ha nahinabo nga insidente ngan gindara ha Eastern Visayas Regional Medical Center (EVRMC) para mabulong.

Pero dead-on-arrival ha hospital hi Jorrey Kim Barredo.

Abiso han Lawaan PNP ha mga motorista nga maghirot ha pagmamaneho kay pag ha kalsada harani iton aksidente.

Facebook Comments