Davao City – Daling gidala sa Central 911 medic team sa Southern Philippines Medical Center ang usa ka rider nga mibangga sa Kia Bongo nga nahitabo sa CP Garcia Highway ning siyudad pasado alas-9:00 sa buntag.
Ang maong rider giilang si Carmelito Galvez, 27 anyos, minyo, ug nagpuyo sa Doña Asuncion, Brgy Pampanga.
Milupad og pila ka metros ayha nabunal ang lawas niini sa aspalto nga dalan maong gidapatan kini og pasiuna nga pagtambal sa Central 911 medic team asider gisapupo paingon sa SPMC ang biktima.
Subay sa imbistigasyon, gikan sa North bound ug paingon sa South bound ang biktima apan pag-abot sa hitaboan kalit lang dunay miliko pawala nga bahin nga Kia Bongo kinsa gimanehoan ni Jeruelito Basilisco, 46 anyos, minyo, ug nagpuyo sa Cabantian ning dakbayan resulta mibangga sa kilid sa behikulo ang motor.
Ning kasamtangan, naa na karon sa kustodiya sa Buhangin Police Station si Basilisco ug ang Kia Bongo.
RadyoMaN Joel Viray
Facebook Comments
