Davao City – Patay ang biktima nga mao si Arnel Castro Delos Reyes, 48 anyos, residente sa Zabate Village Bangkal, Davao City, human ma-hit-and-run sa usa ka motorsiklo samtang nagdagan sa Mc Arthur Highway alas 2:00 sa kahaponon.
Sa inbestigasyon sa Talomo PNP, ang biktima sakay sa iyang motorsiklo nga Yamaha Mio padulong sa Crossing Ulas apan pag abot sa Gulf View Subdivision kalit lamang gibanggaan sa nagsunod nga wala pa mailhing motorsiklo.
Gumikan sa impact nisarasay ang motor sa biktima ug nabanggaan kini sa kasugat nga Pacificab taxi nga gimaneho ni Renown Colem, 28 anyos, hinungdan sa hinanaling kamatayon sa biktima.
Imbis nga mohunong ang unang nakabangga nga motorsiklo, mipaturatoy na palayo sa dapit diin nahitabo ang aksidente sa kadalanan.
Ang patayng lawas sa biktima gidala sa Collado Funeral Parlor sa Bangkal ning syudad sa Davao.
RadyoMaN Erin Lumosbog
