Davao City – Gibutyag sa Sasa Police Station, subay sa inisyal nga impormasyon, nga dead on arrival sa Southern Philippines Medical Center (SPMC) ang rider nga taga Malagamot, Davao City, kinsa nabanggaan sa van ug nalatayan pa sa truck sa may Panacan, Davao City, alas 11:30 kagabii, Oktubre 26, 2025.
Paspas nga girespondehan sa Davao City Central 911 Urban Search and Rescue (USAR) team ang insidente ug naabtan na lang ang maong biktima nga anaa na ilawom sa maong truck.
Sa imbestigasyon, nasayrang ang van padulong norte kinsa nakabangga sa motorista nga miresulta sa pagkalagpot sa maong rider ngadto sa dalan sa truck nga padulong sur, rason nga nalatayan kini ug nadasok sa ilawom.
Sa karon, ginapaabot pa sa kapulisan ang desisyon sa kabanay sa biktima, samtang ang mga drayber sa van ug truck ana-a na sa kustodiya sa estasyon alang sa tukmang disposisyon.
Padayon sab ang imbestigasyon sa kapulisan ug ginasubay na ang mga establisemento nga adunay CCTV alang sa pag-backtracking.
RadyoMaN Kareen Beltran
Facebook Comments
