Davao City – Dead on the spot ang human nga girespondehan sa Municipal Disaster Risk Reduction and Management Office (MDRRMO) Pantukan ang usa ka motorista human kini aksidenteng nabangga, nalatayan ug napasok ilawom sa dump truck sa Sitio Arba, Brgy. Tagdangua, Pantukan, Davao de Oro, pasado alas 8 kaganinang buntag, Agosto 22, 2023.
Ang biktima giilang si Rodel Toledo, 32, ulitawo, nga taga Ulas, Talomo, Davao City.
Sa interview sa DXDC RMN Davao kang Ricardo Israel sa MDRRMO-Pantukan, gisaysay niya nga human sila makadawat og tawag bahin sa nahitabong disgrasya, dali dayon silang niresponde ug naabtan na lamang nila ang lalaki nga bali na ang mga tiil ug base sa assesment nakabsan na gayud kini sa kinabuhi.
Kasamtangan nga ginasuta pa sa mga awtoridad ang detalye sa disgrasya kay matud pa sa mga nakasaksi, ni-overtake matud pa kini sa truck nga nahimong hinungdan sa iyang hinanaling kamatayon.
Samtang, anaa na karon sa kustodiya sa PNP Pantukan ang driver sa maong truck human niya gitahan iyang kaugalingon ngadto sa kapulisan.
RadyoMaN Ivy Parido
Facebook Comments
