Sa interview sa DXDC RMN Davao kang PCMS Ruel Melencion sa Pantukan Police Station Traffic Enforcement Unit iyang gibutyag, base sa ilang inbestigasyon, nasayrang nakainom ang biktimang si Gebjan Dizon.
Tungod sa ngitngit ang dalan ug kusog ang padagan, wala na niini nabantayan nga dili pantay ang kalsada ug pagsulod niya sa highway nawad-an sa kontrol, hinungdang mibangga sa bonggo nga sakyanan.
“Ingon sa driver (sa bonggo) kung nakita pa gyud daw to niya nga padulong sa iyaha, posible nga apil pud sila mangamatay. Kay ang mahitabo ato, likayan daw niya kutob sa mahimo. So, posible ato sila pud madiskaril. Ang iyang nalang namatikdan, naa nay nilagapak sa iyang kiliran nga bahin. Diay, tawo na diay to nga nagmotor,” segun ni Melencion.
Gisaysay ni Melencion sa ilang conference, dili na mopasaka pa og kaso ang pamilya ni Dizon ug nasabutan nga motabang nalang ang driver sa bonggo sa pagpahiluna sa biktima.
RadyoMan Ivy Parido
