Davao City – Patay ang usa ka rider atol sa nahitabong aktibidad sa Unity Ride 2018 alas-9:35 sa buntag gahapong adlawa sa Sitio Lahi, Barangay Magnaga Pantukan ComVal Province.
Matod ni PO3 Felisi, Traffic Investigator sa Pantukan PNP, nabangaan ni Erik Raymond Points, 48 anyos, usa ka American Citizen nga taga Digos Davao del Sur si Ronald Anthony Donguila, 41 anyos nga taga Pantukan ComVal Province.
Pareho nagsubay sa usa ka lane paingon sa Pantukan Proper ang suspek ug ang biktima apan pag-abot sa nahitaboan nadumbolan matud pa ang ligid sa motor sa amerikano sa motor nga nagsunod kaniya.
Wala na makontrol sa suspek ang iyang motor gumikan sa sobra ka daghang motor nga mitambong sa maong aktibidad ug midiretso kini og bangga sa motor sa biktima.
Nasayran gikan ni PO3 Felisi nga natung-an ang suspek sa mga motor sa mga motorista sa ‘Unity Ride’ kung asa sakop si Donguila hinungdan nahitabo ang aksidente kagahapong adlawa.
Sa karon hingpit na gipasaka sa Pantukan Municipal Police Station sa piskalya ang kasong reckless imprudence resulting to homicide batok sa langyaw nga suspetsado.
RadyoMaN Joel Viray
