Rider patay sa bangga tali truck

36

Davao City – Kasong Reckless Imprudence Resulting to Homicide ang atubangon sa driver sa truck nga ‘involved’ sa disgrasya batok sa usa ka motorsiklo sa Barangay Sinawilan, Matanao, Davao del Sur, niadtong Martes (October 27, 2020) nga miresulta sa pagkamatay sa driver sa motor.

Sa impormasyon nga gipadala sa Matanao Municipal Police Station sa DXDC RMN Davao, naila ang biktima nga si Bernard Certeza, 50 anyos, vendor, residente sa Mati, Digos City, samtang ang driver sa wing van truck nailang si Dennis Tecson, 40 anyos, ulitawo, nagpuyo sa Purok Ilang-ilang, Brgy. Tubod, Bansalan, Davao Del Sur.


Subay sa imbestigasyon, naggikan ang truck sa Digos padulong sa Bansalan sa dihang kalit na lamang miabot sa linya sa truck ang motor rason sa ilang panagbangga.

Nadala pa sa Davao del Sur Provincial Hospital ang biktima human kini naka-angkon og injuries apan gideklarang dead on arrival.

RadyoMaN Kirby Manzon

Facebook Comments