CAUAYAN CITY – DALAWANG LALAKI ANG NASAWI SA MAGKAHIWALAY NA INSIDENTE NG BANGGAAN NG MOTORSIKLO SA BAYAN NG DUPAX DEL NORTE AT BAGABAG SA LALAWIGAN NG NUEVA VIZCAYA, KAGABI, JULY 7, 2025.
UNANG NAITALA ANG AKSIDENTE SA BRGY. MUNGIA, DUPAX DEL NORTE, KUNG SAAN BUMANGGA ANG ISANG MOTORSIKLO SA ISA PANG MOTOR NA PATAWID SANA MULA SA KANAN PATUNGONG KALIWANG BAHAGI NG KALSADA.
TUMILAPON AT NAWALAN NG MALAY ANG LALAKI NA RIDER MULA KASIBU, HABANG BAHAGYANG NASUGATAN NAMAN ANG DALAWANG SAKAY NG KABILANG MOTORSIKLO.
AGAD SILANG ISINUGOD SA OSPITAL NGUNIT IDINEKLARANG DEAD-ON-ARRIVAL ANG DRIVER NG UNANG MOTOR.
AYON SA PULISYA, MABILIS ANG TAKBO NG MAGKAANGKAS AT PAREHONG NASA IMPLUWENSIYA NG ALAK.
SA IKALAWANG INSIDENTE NA NAGANAP SA BRGY. BARETBET, BAGABAG, PATAY RIN ANG ISANG RIDER MATAPOS BUMANGGA ANG MINAMANEHO NIYANG MOTORSIKLO SA ISANG HI-SIDE ALUMINUM TRUCK.
LUMALABAS SA IMBESTIGASYON NG BAGABAG PNP NA LUMIPAT NG LINYA ANG MOTORSIKLO AT DIREKTANG SUMALPOK SA TRUCK. DAHIL SA LAKAS NG IMPACT, PUMAILALIM ANG BIKTIMA SA TRUCK AT NAIPIT SA KALIWANG GULONG NITO, SAKA NAHILA PA NG ILANG METRO.
KINILALA NG MGA AWTORIDAD ANG BIKTIMA NA NAKAINOM UMANO NG ALAK AT PAUWI NA SANA SA KANILANG TAHANAN SA BRGY. VILLAROS.
PATULOY ANG PAALALA NG PULISYA SA MGA MOTORISTA NA UMIWAS SA PAGMAMANEHO KUNG NASA ILALIM NG IMPLUWENSIYA NG ALAK UPANG MAKAIWAS SA DISGRASYA.
