Davao City – Gatabang pa sa Central 911 Medic Team apan wala na maka agwanta ug nakabsan na sa kinabuhi ang driver sa motorsiklo nga si Baltazar Batal Catalunia, 31 anyos, ug nagpuyo sa may Matina Biao, Tugbok district ning siyudad.
Sa pagpanubay sa Tugbok PNP, bandang alas 6:50 sa milabay’ng gabii gikan sa iyang panimalay ang biktima ug sa pag-abot niini sa may dalang Brgy. New Valencia Tugbok district sakay sa iyang motorsiklo, kalit nga nawad-an kini sa kontrol busa midiretso kini sa sementadong poste sa Davao light.
Dali nga nanawag ang barangay kagawad sa Brgy. New Valencia nga si Kag. Fernandez ngadto sa Central 911 ug gitabang pa ang biktima apan minuto lang ang nakalabay nakabsan na sa kinabuhi ang biktima sanglit grabe ang igo sa ulo niini.
Gidala na sa Angel Funeral Parlor sa Calinan ang patayng lawas sa biktima aron sa burial services.
RadyoMaN Paul Canono
