RIDING IN TANDEM | Construction worker, patay matapos nga ginsunod kag ginluthang samtang nagasakay sa motorsiklo!

Roxas City, Capiz- Patay ang 44-anyos nga mister makaligad nga ginsunod kag ginluthang matapos ini ang nagdul-ong sang iya anak sa eskwelahan pasado alas 7 sang aga sa Centro, Brgy. Dinginan siyudad sang Roxas.

Ginkilala ang biktima kay Roland Divinagracia nga isa ka construction worker kag nagapuyo sa Brgy. Sibaguan. Ginkumpirmar ni Police Chief Inspector Jose Martin Fuentes sang Crime Laboratory, base sa iya inisyal nga pagpangusisa nag-angkon sang lima tanan ka igo sa lawas tuga sang armasluthang ang biktima.

Suno sa nagahilibion nga asawa sini nga si Jonalyn, nagdul-ong ang iya bana sa anak sang mga ini nga naga-eskwela saDinginan Elementary School. Pahayag sini dugang nga nakasugid sa iya ang biktima nga nag-away ang mga kaupdanan sini nga mga construction worker sang nakaligad nga Sabado kun sa diin isa siya sa mga nagtambag sang hana nga bun-on sang ginapahayag suspek nga si alias β€œJan-Jan” nga taga-Philippine Railway Street ang tiyo sang biktima.


Narekober sang mga otoridad ang lima tanan ka baseyo sang .45 caliber pistol lugar nga ginluntaran sang insidente. Base sa inisyal nga imbestigasyon sang mga kapulisan, duha ang ginapahayag suspek sa diin isa ang nagluthang samtang driver naman ang isa. Sa subong padayon pa ang maid-id nga imbestigasyon sang mga kapulisan kag pagkuha sang mga pahayag sa mga saksi sa amo nga krimen.

Facebook Comments