Nag reklamo sa kapulisan sa Jaro bitbit ang pipila ka bala sang pellet gun nga iya napulot si Soliman Hermanos, 21 anyos sang Washington st. Benedicto, Jaro ala 1:50 subong gid lamang nga kaagahon.
Ini matapos nga nangumpra sila sang talaba sa super alas 12:00 kaina tungang aga para ibaligya kag pagkatapos nag pungko pungko pahunay hunay sa kilid dalan sang Mc Arthur Hiway sang hibali lang gin labyan sang riding in tandem nga naka maskara kag gin luthang sya gamit ang airsoft.
Nakaagom sang 9 ka igo sa likod ang biktima kag iya ginpamulot ang mga bala sang airsoft kag ginpresentar sa pulis station.
Samtang sa area naman sang CPU may mga kabataan man nag reklamo sa roving patrol sang PNP nga gin pang luthang sang riding in tandem gamit ang air soft.
Sa Mandurriao PNP, pipila man ka mga minor de edad nga naga praktes para sa Dinagyang ang gin luthang sang riding in tandem gamit ang airsoft kag nag reklamo man sa kapulisan apang wala na nag parecord.
Sa distrito sang Arevalo , nag labay man didto ang riding in tandem kag nagpang luthang sang mga solterito kun sa diin 7 diri ang nag reklamo sa kapulisan.
Suno naman sa Arevalo PNP nga gilayon man nila gin lagas ang mga suspek apang wala maabtan. ngmuno patroller sa cpu.
May nag reklamo man sa Molo PNP, isa ka call center agent nga gin kilala sa kay Christopher Kim Cyrus Serrano, 25 anyos sang brgy. Quezon, Arevalo, Iloilo City kun sa diin nakita nya ang 6 ka motor nga gina pang lagas ang mga minor de edad kag gina luthang gamot ang toygun.
