Davao City – Usa si National Police Commission adviser Bishop Ariel Coleto sa mga nakamatikod sa paggara sa riding in tandem nga gapamusil patay sa mga tawong nalambigit sa droga ug krimen sa nasud.
Panglantaw ni Bishop Coleto, maglisod ug walay mahimo ang gobyerno sa pagtuldok sa riding in tandem sa punto nga daghan pa gyod sa mga tawo nagkinahanglan og Ginoo sa kinabuhi.
Busa sugyot sa obispo, mas maayo i-upgrade sa gobyerno ang mga cctv camera nga nakamuntar sa mga matawo nga lugar aron dali ra mailhan ug madakpan ang mga riding in tandem.
Sa record sa Police Regional Office 11 (PRO-XI), kadaghanan sa mga suspek sa pagpamusil pulos mga naka-motor ug nakasul-ob og helmet mao nga lisod sila mailhan sa mga otoridad.
Pero gipasabot ni PRO-XI spokesperson Chief Inspector Andrea Dela Cerna nga mogamit ang mga suspek og motor kay mao kini ang sayon ug dili dayon sila makalusot gikan sa crime scene.
Sa panahon karon, dili lang mga gamapatay og mga drug offenders ug mga kriminal gagamit og motor kay lakip ang CPP-NPA-NDF migamit na sab niini kun duna silay patyon nga militar o pulis.
Human nakabanhig ang CPP-NPA-NDF sa Bukidnon kung asa 4th month old nga bata gipatay diin sa miagi nga adlaw gibugha sab sa npa ang intel officer sa Baguio Pnp nga si PO3 Garol sakay sa iyang motor.
Matud ni Dela Cerna, gimando na karon ni PRO11 Director Emmanuel Gaerlan ngadto sa iyang mga gin-sakpan sa tibuok rehiyon ang pag-igmat gikan sa atake sa mga kumunista nga gakabayo na sab og motor.
RadyoMaN Joel Viray
