RIDING IN TANDEM | Lalaki, patay matapos ginluthang sang riding in tandem sa San Remegio, Antique.

6550

Isa patay kag 2 ang nakaluwas sa pagpangluthang sang riding in tandem sa banwa sang San Remegio, Antique kagab-i.

Suno kay Police Sr. Inspector Janvier Gilza, hepe sang San Remegio PNP nga natabu ang insidente alas 8:20 sa kagab-i sa Brgy. Cadolonan, San Remigio, Antique kon sa diin dead on the spot ang biktima nga ginkilala kay Edson Naquita, 20 anyos sang barangay San Juan, Sibalum, Antique apang temporaryo nga nagapuyo sa barangay Dalipe, San Jose, Antique.

Nakaluwas naman ang iya live in partner nga si Glenda Hilado, 27 anyos sang La Carlota, Negros Occidetal kag walo ka tuig nga utod nga babaye.

Suno kay Gilza nga base sa panaysayon ni Glenda nga halin sila sa banwa san remegio kag pakadto sa san jose, antique sang makita sini nga ginasundan sila sang motorsiklo kag sang ulihi ginluthang sang mga nakasakay ang biktima.

Indi pa matul-id sa karon sang mga pulis kon ano ang motibo sa pagpatay sa biktima.

(c)web photo

Facebook Comments