RIDING IN TANDEM | Nagalakat halin sa bilasyon, ginluthang-patay

86

Pilar, Capiz- Patay ang isa ka lalaki matapos ginluthang samtang nagapauli halin sa bilasyon alas 11:49 sang gab-e sa Brgy. Dulangan banwa sang Pilar.

Ginkilala ang biktima kay Ramon Berug y Bagual, 59-anyos sang Brgy. Dulangan Pilar nga nag-angkon sang patal nga pilas sa ulo rason sang kamatayon sini.

Suno sa imbestigasyon sang mga kapulisan, nagalakat ang amo nga biktima halin sa bilasyon kaupod ang pila sini ka himata sang hinali nagpondo sa ila likod ang isa ka motorsiklo nga may nakasakay nga duha ka wala makilala nga persona.
Gintutokan ini kag wala sang anuman nga hambal, gilayon ginluthang.

Alas 12:45 sang gindangat sa Bailan District Hospital ang biktima apang gindeklalar nga dead on arrival sang doktor.

Sa subong blangko pa ang mga kapulisan sa suspek kag motibo sang pagpatay sa biktima.

Facebook Comments