Davao City- Nadakpan sa kapolisan sa San Pedro ang giingong riding in tandem nga mitulis sa usa ka Indian National sa Upper Ledesma, Barangay 10-A Poblacion syudad sa Davao sa gihimong follow up operation sa kapolisan.
Mga dinakpan giila nga sila si Crismar Monta Praudas, 20 anyos, nagpuyo sa Buhisan Tibungco, Sonjay Belleza, 18 anyos, trisikad driver nga taga-Manalac, Panabo City ug alyas Ton-ton , 14 anyos, nagpuyo sa Sunrise Village, Panabo City.
Sumala sa record sa kapolisan sa San Pedro, mireport ang biktima nga si Yuvaraj Perumal, 19 anyos , estudyante, usa ka Indian national nga taga-Bajada ning syudad. Matud pa, samtang anaa sa Upper Ledesma ang biktima kalit na lamang gitulis ug gikuha ang cellphone nga nag kantidad og 20 mil pesos.
Nabawi gikan sa posisyon sa mga dinakpan, ang cellphone nga gipanag-iyahan sa biktima ug mga dahon sa marijuana nga giputos ug newspaper.
Kasamang Paul Canono
